Хуыцауыл ӕууӕндджытӕ Сионы хохы хуызӕн сты:

уый нӕ фӕцуддзӕн, лӕудзӕни мыггагмӕ.

2Иерусалимы алыварс хӕхтӕ куыд лӕууынц,

афтӕ Дунедарӕг дӕр Йӕ адӕмы алыварс лӕууы

нырӕй ӕмӕ мыггагмӕ.

3Уымӕ гӕсгӕ рӕстгӕнджыты хъысмӕты сӕргъыл

бирӕ нӕ баззайдзӕн фыдлӕгты барлӕдзӕг,

цӕмӕй рӕстгӕнджытӕн сӕ къух ма фӕтаса

фыдмимӕ.

4Дӕ хӕрзтӕ ратт, Хуыцау, хӕрзгӕнджытӕн

ӕмӕ рӕстзӕрдӕтӕн.

5Фӕлӕ зылын фӕндагыл чи ныллӕууыди,

уыдон фыдгӕнджытимӕ фесафдзӕни Хуыцау.

Фӕрнджын уӕд Израил!